«Հաղթանակ» կամրջի տակ հայտնաբերվել է որոնվող 25-ամյա երիտասարդի դին

Այսօր՝ մայիսի 13-ին, ոստիկանության Կենտրոնական բաժին ահազանգ է ստացվել, որ «Հաղթանակ» կամրջի տակ երիտասարդ տղայի դի կա. տեղեկացնում է Shamshyan.com-ը:

«Ինչպես նշված վայրից հայտնում է ֆոտոլրագրող Գագիկ Շամշյանը, օպերատիվորեն նշված վայր են ժամանել ոստիկանության Մալաթիա և Կենտրոնական բաժնի օպերատիվ խմբերը, ինչպես նաև նույն բաժինների ՊՊԾ գնդի աշխատակիցները: Կամրջի տակ՝ քարի վրա, ոստիկանները հայտնաբերել են երիտասարդ տղայի դին, ում ինքնությունը ոստիկանությունը պարզում է:

Ըստ նախնական տեղեկությունների՝ հնարավոր է՝ երիտասարդ տղան կամրջից իրեն ցած է նետել գիշերը և միայն քիչ առաջ են նշված հատվածով զբոսնող քաղաքացիները նկատել դին և անմիջապես ահազանգել ոստիկանություն: 

Քիչ առաջ ֆոտոլրագրողը հայտնեց, որ ոստիկանությունը եւ քննիչները պարզել են, որ մահացածը հանդիսանում է Երեւան քաղաքի բնակիչ, 25-ամյա Կ. Հ.-ն, ով օրեր առաջ որպես անհայտ կորած որոնվում էր ոստիկանության Մաշտոցի բաժնի կողմից»,- կարդում ենք կայքում:

Մանրամասն` սկզբնաղբյուրում