Նաիրիտցիներն աշխատանքից ազատման մասին ծանուցագիր են ստանում հենց բողոքի ակցիայի վայրում

Նախագահականի մոտ շարունակվում է ամիսներ շարունակ աշխատավարձ չստացած նաիրիտցիների բողոքի ակցիան: Ուշագրավ է, որ հենց տեղում աշխատակիցներին բաժանվում են աշխատանքից ազատման մասին ծանուցագրերը:

Yerkir.am-ի հետ զրույցում Բագրատ Գևորգյանը` «Նաիրիտ»-ի բաժնի պետերից, ով ևս ծանուցագրեր էր բաժանում, նշեց, որ ինքը նույնպես նման ծանուցագիր է ստացել: «Ծանուցագիր բաժանելու իմաստն այն է, որ մենք ընդամենը տեղեկացված լինենք, որ մեզ ցանկանում են աշխատանքից ազատել: Ծանուցագիրը ստորագրելը չի նշանակում, որ մենք համաձայն ենք ազատվելու հետ, նշանակում է, որ մենք ընդամենը տեղյակ ենք»,- ասաց նա:

Այնուամենայնիվ, ծանուցագիր ստացած նաիրիտցիների մեծամասնությունը չի պատրաստվում ստորագրել այն: