Էրդողանը ճշմարտությունից հեռու առաջնորդ է. իսպանական մամուլի արձագանքը

Իսպանական մամուլն արձագանքել է Թուրքիայի նախագահ Ռեջեփ Թայիփ Էրդողանի հայտարարությանը, թե Ամերիկան հայտնաբերել են մուսուլմանները, այլ ոչ թե Կոլումբոսը: Այդ մասին հայտնում է Cumhuriyet-ը:

Իսպանական մամուլում նշվել է, որ Կոլումբոսի օրագրում Կուբայում լեռան վրա երևացող մզկիթի մասին որևէ խոսք չկա:

Ըստ իսպանական El Pais թերթի` Էրդողանի հայտարարությունը, թե Ամերիկան 1178 թվականին մուսուլման ձկնորսներն են հայտնաբերել, իսլամի պատմագիրներն իբր հայտնաբերել են  չինական ինչ-որ աղբյուրում:

Պարբերականն Էրդողանին կոչ է արել ապացուցել այդ պնդումը և հիշեցրել, որ Կոլումբոսը որևէ մզկիթի մասին չի խոսել: Թերթը գրել է, որ Թուրքիայի նախագահը «ճշմարտությունից հեռու» առաջնորդ է, նաև հիշեցրել է, թե ինչպես էր նա խորհուրդ տվել Ֆինլանդիայի վարչապետին 3 և ավելի երեխաներ ունենալ, այնպես, ինչպես խորհուրդ է տալիս թուրքերին: