Գիքոր ենք կանչում, որ մեկը մտնի մի շոր առնի, մեջը 500 դրամ մեզ մնա

Այսօր կառավարության շենքի դիմաց բողոքող տոնավաճառների աշխատակիցները թեև նախապես չէին պատրաստել իրենց հիմնական պահանջները, սակայն նրանցից շատերի հետ զրույցի արդյունքում պարզ դարձավ, որ նրանք պատրաստ չեն կառավարության նոր հարկային քաղաքականությանը:

Ներկայացնում ենք տոնավաճառների աշխատակիցների արձագանքները:

«Մեզանից պահանջում են հաշիվ ֆակտուրա , իսկ մեր պահանջն է, որ դրանք վերացնեն: Մինչև հիմա մուծել ենք շրջանառության 3,5 տոկոսը, էլի կմուծենք , ոչ թե դնեն հաշվիչ դրամարկղեր փոխեն, մի օլիգարխ բերել է դրանք վաճառում է, մենք էլ գնում ենք պարտադրված»:

«Ոչ մի բան մեզ ձեռնտու չէ , վերացրեք այդ անհեթեթ օրենքները»:

«Մոլերի համար է էս ամեն ինչն արվում : Մեզ ճնշում են, որ մենք թողենք դուրս գանք, ժողովուրդը գնան մենակ մոլերից օգտվեն: Բա մենք ի՞նչ անենք, ի՞նչ աշխատենք: Վարչապետը մոռացել է իր խոստումները, էն չի որ հասնեն աթոռին ու ժողովրդի մասին մոռանան, թե՞ վարչապետը երեխա է պահում, իսկ մենք չենք պահում»:

«Մինչև վարչապետ դառնալը ասում էր` պարտադիրը  կհանեն, հենց դարձավ վարչապետ,  նորից մտցրեցին պարտադիրը , ո՞նց կարելի է այդքան խաբել մարդկանց»:

«Եթե վերացրեցին փոքր բիզնեսը, դրանով աշխատատեղեր են ստեղծելու՞ , միայն օլիգարխները պետք է աշխատեն՞, բա մենք՞..

«Իրենք աշխատավարձ մեզ տալի՞ս են, որ մեր վարկով վերցրած գումարով գնված ապրանքի վրա տոկոսներ են դնում »:

«Մենք մի կերպ ենք գոյատևում, Գիքոր ենք կանչում, որ մեկը մտնի մի շոր առնի, մեջը 500 դրամ մեզ մնա »: