Ուկրաինայում մասնակի զորակոչ է հայտարարվել

Ուկրաինայի Գերագույն ռադան հաստատել է երկրի նախագահի «Մասնակի զորակոչի մասին» հրամանագիրը: Այդ որոշման օգտին քվեարկել է 232 պատգամավոր. հայտնում է Укринформ-ը:

Օրենքին կից պարզաբանման մեջ ասվում է, որ որոշումը կայացվել է՝ հաշվի առնելով երկրի հարավ-արեւելքում ստեղծված իրավիճակը, երբ խաղաղ բնակիչներ են զոհվում: Նշվում է, որ պատճառներից մեկն էլ այն է, որ Ռուսաստանը սահմանին զորքեր է կենտրոնացնում:

Օրենքը ներկայացնելու ժամանակ Ուկրաինայի ազգային անվտանգության եւ պաշտպանության խորհրդի քարտուղար Անդրեյ Պարուբին հայտնել է, որ տեղեկությունները, թե որքան մարդ է արդեն զորակոչվել եւ որքան մարդ է ծրագրվում զորակոչել, ենթակա չեն հրապարակման: