''Փոքրիկ'' Էրդողանը` Էրդողանի հետնորդ

Էրդողանի զարմիկ Ալի Էրդողանը, ով նաև վարչապետի թիկնապահն է, մտնելով ոստիկանության շենք, հայհոյել և հրամայել է Էրդողանի դեմ բողոքողներին կտտանքների ենթարկել: Ըստ odatv.com-ի` երբ ոստիկանները հրաժարվել են կատարել նրա հրամանները, սկսել է հայհոյել:

Ի դեպ, «փոքրիկ» Էրդողանի` ակտիվիստներին կտտանքների ենթարկելու հրամանը չկատարած ոստիկանապետը արդեն հեռացված է եղել աշխատանքից: Երբ շաբաթներ առաջ մի ուսուցչուհի բերման էր ենթարկվել Էրդողանի թիկնապահների մեքենային ձվով  հարվածելու համար,  բողոք էր ներկայացրել, որ իր` ոստիկանության բաժնում եղած ժամանակ Էրդողանի թիկնապահները, մտնելով շենք, հայհոյել են:

Տեսանյութը համացանցում հայտնվելուց անմիջապես հետո մեծ աղմուկ էր բարձրացել: