Ուղերձ Էրդողանի բոլոր հիմար աջակիցներին. Հալեպի Արդյունաբերության պալատի հատակին Էրդողանի պատկերն է

Սիրիայի Հալեպից պատգամավոր Ֆարեզ Շեհաբին թվիթերյան իր էջում լուսանկարներ է հրապարակել ահաբեկիչներից ազատագրված Հալեպի Արդյունաբերության պալատից, որի մուտքի մոտ՝ հատակին, պատկերված է Թուրքիայի նախագահ Ռեջեփ Թայիփ Էրդողանը՝ «Ենիչերի Էրդողան, Հալեպի գող» վերտառությամբ. ըստ Yerkir.am-ի՝ հայտնում է korfezgazete.com կայքը:

Շեհաբին տարբեր լուսանկարներ և տեսանյութեր է հրապարակել՝ տարբեր գրառումներ կատարելով:

«Հալեպի Արդյունաբերության պալատից ուղերձ Էրդողանի բոլոր հիմար աջակիցներին», - գրում է Շեհաբին՝ նշելով, որ ոչ մի անհարգալից վերաբերմունք չկա թուրք ժողովրդի ու դրոշի նկատմամբ, այն ուղղված է Էրդողանի անձին: