Իրաքի նախագահը շարունակում է բուժվել Գերմանիայում

Իրաքի նախագահ Ջալալ Թալաբանին, ով անցյալ տարվա դեկտեմբերին հոսպիտալացվել էր Գերմանիայի հիվանդանոցներից մեկը` «ուղեղի կաթված» ախտորոշմամբ, մինչ օրս չի ավարտել բուժումը և շարունակում է գտնվել կլինիկայում: Այդ մասին հայտնում է РИА Новости-ն:

Մայիսին Իրաքի գլխավոր դատախազությունը դիմել էր խորհրդարանին` վաղաժամ ընտրություններ անցկացնելու խնդրանքով: Սակայն Թալաբանիի շրջապատն այն ժամանակ հայտարարեց, որ նախագահն արդեն կազդուրվել է եւ մոտ օրերս հայրենիք կվերադառնա:

Թալաբանին, սակայն, մինչ օրս Իրաք չի վերադարձել, ինչը բազմաթիվ ասեկոսեների առիթ է տվել, անգամ` նախագահի մահվան մասին լուրեր են շրջանառվում: