Հայաստանում ՌԴ դեսպանատունը արձագանքում է

Հայաստանում ՌԴ դեսպանատունն այսօր արձագանքել է Մերձմոսկվայում տեղի ունեցած վթարին հաջորդած իրադարձություններին, հայ հասարակության` վարորդ Հրաչյա Հարությունյանի արժանապատվությունը նսեմացնելու դեմ բողոքներին` հաղորդագրություն տարածելով, որում, սակայն, ոչ մի խոսք չկա այդ կապակցությամբ, այլ միայն մեղադրանքներ առանձին մարդկանց` հակառուսական կրքեր բորբոքելու վերաբերյալ:

Հաղորդագրության մեջ ասվում է.

«Ափսոսանք է առաջացնում այն, որ ս.թ. հուլիսի 13-ին մերձմոսկովյան Պոդոլսկ քաղաք շրջանում տեղի ունեցած ճանապարհատրանսպորտային պատահարը, որը 18 մարդու մահվան պատճառ է դարձել, առանձին մարդկանց կողմից օգտագործվում է հակառուսական կրքերի բորբոքման համար: Բոլորովին անտեղի ենք համարում գործողությունները` ուղղված նեղ քաղաքական  ու ռուս-հայկական հարաբերությունների խզման նպատակներով մարդկային մեծ ողբերգության օգտագործմանը: Պատվիրված քաղաքական գնահատականներն անընդունելի են:

Պոդոլսկի մոտ կատարված ողբերգությունն ազգային երանգներ չունմի, այն բազմակողմանի, մանրամասն, անկողմնակալ եւ առանց զգացմունքների կհետաքննվի»: