Երևան-Մոսկվա երկու չվերթ․ Հայաստանում Ռուսաստանի դեսպանատունը մանրամասներ է հայտնել

Հայաստանում Ռուսաստանի դեսպանատունը մանրամասն տեղեկություն է հրապարակել Երևան–Մոսկվա առաջիկա չվերթերի մասին։

Ռուսաստանի քաղաքացիները, որոնք ցանկանում են Հայաստանից հայրենիք վերադառնալ, կարող են օգտվել օգոստոսի սկզբին կայանալիք երկու ավիաչվերթերից. այս մասին հայտնում է ՀՀ-ում ՌԴ դեսպանատան մամուլի ծառայությունը։

Հավելվում է, որ Երևան-Մոսկվա TYA9702 չվերթը նախատեսված է օգոստոսի 2-ին` տեղի ժամանակով 17:50-ին։

Երևան-Մոսկվա ևս մեկ չվերթ կկազմակերպվի նաև օգոստոսի 8-ին. այն նախատեսված է տեղի ժամանակով 15:50-ին միայն միայն Մոսկվայի, Մոսկվայի մարզի, Բելգոլոդի երկրամասի, Բրյանսկի, Վլադիմիրի, Վոլոգդայի, Վորոնեժի, Իվանովոյի, Կոստրոմայի, Կուրսկի, Լիպեցկի, Նիժնի Նովգորոդի, Նովգորոդի, Օրյոլի, Պենզայի, Յարոսլավի ու Կալուգայի մարզերի բնակիչների համար։

«Չվերթի համար պետք է գրանցվել հղումով։ Տեղերը սահմանափակ են։ Ցուցակները ձևավորվելու են պետծառայություններում գրանցման հիման վրա», – ասված է հաղորդագրությունում։