Դավիթաշենում ծառեր են հատում

Այսօր առավոտյան սոցիալական ցանցերում և մի շարք լրատվական կայքերում տեղեկատվություն էր պտտվում, որ Դավիթաշեն 46/3 հասցեում ծառեր են հատում:

ՄԻՊ-ի գրասենյակից հայտնում են, որ պաշտպանի աշխատակազմի արագ արձագանքման բաժնի աշխատակիցները շտապ մեկնել են դեպքի վայր և արձանագրել, որ, իսկապես, արմատախիլ է արվել 4-5 ծառ, այդ թվում՝ պտղատու: 

Բնակիչների հետ զրույցից պարզվել է, որ ծառահատումներն իրականացվում են այդ հատվածում շինարարական աշխատանքներ իրականացնելու նպատակով: Այս կապակցությամբ 30 բնակիչներ դիմում-բողոք են ներկայացրել Մարդու իրավունքների պաշտպանին, որը կուսումնասիրվի, և համապատասխան գրություններ կուղարկվեն պատկան մարմիններին: