Լացի պատի մոտ երիտասարդ իսրայելցի է սպանվել

Երուսաղեմում` Լացի պատի մոտ, երիտասարդ իսրայելցի է սպանվել: Նրա վրա կրակել է Իսրայելի անվտանգության ծառայության աշխատակիցը, որը պարեկություն էր անում այդ տարածքում: Նրան թվացել է, որ Լացի պատի մոտ կանգնած տղամարդը բացականչել է «Ալլահ աքբար» եւ ինչ-որ կասկածելի իր է հանել գրպանից. տեղեկացնում է mignews.com-ը:

Դեպքի վայր հասած բժիշկները 20 րոպե շարունակ փորձել են վերակենդանացնել երիտասարդին, բայց` ապարդյուն:

Ոստիկանությունը հետաքննություն է սկսել: Լացի պատի մոտ մշտապես աղոթողներից մեկն ասել է, որ սպանվածին այդ տարածքում շատերն են ճանաչում` որպես տարօրինակ մարդու, մի անգամ էլ նույնիսկ հայտարարել էր, թե մահմեդական է դարձել: