Իմ պաշտոնանկության հարցը երբեւէ օրակարգում չի եղել եւ չկա. Արմավիրի մարզպետ

Իշխանական որոշ շրջանակներում լուրեր են շրջանառվում, թե Արմավիրի մարզպետ Աշոտ Ղահրամանյանին պաշտոնանկություն է սպասվում: Բայց այսօր ԱԺ-ում, երբ Yerkir.am-ը  նրան իր հնարավոր պաշտոնանկության մասին հարց ուղղեց, մարզպետը նախ հանկարծակի եկավ, հետո` բորբոքվեց:

«Իհարկե, շարունակելու եմ պաշտոնավարել: Ինչի՞ մասին է խոսքը, ամեն ինչ շատ հստակ է: Իմ պաշտոնանկության հարցը երբեւէ օրակարգում չի եղել եւ չկա»,- հայտարարեց նա:

Թե որտեղի՞ց մարզպետին նման վստահություն... Դա առնվազն տարօրինակ է` հաշվի առնելով թեկուզ այն հայտնի ճշմարտությունը, որ որոշումներ իշխանությունում կայացնում է մեկը, այն էլ` միանձնյա, իսկ դրանց մասին կուսակիցները տեղեկանում են վերջում: