Վրաստանը չի շտապում վերականգնել դիվանագիտական հարաբերությունները ՌԴ-ի հետ

Վրաստանի խորհրդարանը երեկ հաստատել է երկրի արտաքին քաղաքականության հիմնական ուղղությունների մասին բանաձևը, որի համաձայն` երկիրը կշարունակի ԵՄ-ին ու ՆԱՏՕ-ին ինտեգրվելու իր ուղին և փաստացի կբացառվի դիվանագիտական հարաբերությունների վերականգնումը Ռուսաստանի հետ. հայտնում է Коммерсант-ը:

Այդ բանաձևը հավանության է արժանացել նիստին ներկա բոլոր 96 պատգամավորների կողմից:

Փատաթղթում ասվում է, որ Թբիլիսին մտադիր է Մոսկվայի հետ երկխոսել «հակամարտության կարգավորման, բարիդրացիական հարաբերությունների հաստատման ու զարգացման մասին», սակայն Վրաստանը չի կարող դիվանագիտական հարաբերություններ ունենալ մի երկրի հետ, որը ճանաչում է Աբխազիայիու Հարավային Օսիայի անկախությունը: