Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Նախագահի նախկին թեկնածու Րաֆֆի Հովհաննիսյանի ներկայացուցիչները` «Ժառանգություն» կուսակցության մամուլի քարտուղար Հովսեփ Խուրշուդյանն ու փաստաբան Կարեն Մեջլումյանը, Սահմանադրական դատարան հանձնեցին Րաֆֆի Հովհաննիսյանի հայցը, որով նա պահանջում է վավերացնել եւ ամրագրել «ընտրությունների ընթացքում հայ ժողովրդի կատարած ընտրության իրական արդյունքները եւ չեղյալ ճանաչել ԿԸՀ-ի կողմից փետրվարի 25-ին հրապարակված կեղծ թվերը»:
Հայցը հանձնելուց հետո Հովհաննիսյանի ներկայացուցիչները պատասխանեցին լրագրողների հարցերին: Փաստաբան Կարեն Մեջլումյանը, մասնավորապես, նշեց, որ կային ՍԴ դիմելու բազմաթիվ հիմքեր` սկսած ընտրակեղծիքներից մինչեւ այն, որ ԿԸՀ-ն մերժեց Հովհաննիսյանը դիմումը, որը վերաբերում էր նախընտրական շտաբների եւ այդ շտաբներում փակցված պաստառների համար ծախսված գումարները թեկնածուի նախընտրական բյուջեում ներառելուն:
«Այնպես որ` հիմքերը շատ էին: Տտեսնենք, թե ինչ որոշում կկայացնի Սահմանադրական դատարանը»,- նշեց Կարեն Մեջլումյանը: