Ընտանեկան մարտ` գարեջրի վերջին շշի համար

Կանադական Լինդսեյ քաղաքի ոստիկանությունը բռնության մեղադրանք է ներկայացրել ընտանեկան զույգին, որը կատաղի պայքար է մղել գարեջրի վերջին շիշը խմելու համար:

39-ամյա կինը եւ 41-ամյա տղամարդը խաղաղ երեկո են անցկացրել հեռուստացույցի առջեւ, սակայն նրանց միջեւ վեճ է ծագել առաջին հայացից անմեղ մանրուքի`  գարեջրի վերջին շշի պատճառով:

Հայտնի չէ, թե ով է կանչել ոստիկաններին, սակայն երբ նրանք դեպքի վայր են ժամանել, հայտնաբերել են ամուսիններին` ոտքից գլուխ չիպսերի ու սոուսի մեջ կորած. ֆաստֆուդը գարեջրի համար պայքարի զենքն է եղել. տեղեկացնում է Вести-ն:

Ի դեպ, ամուսիններին արդեն 15 անգամ մեղադրանք է ներկայացվել ընտանեկան վեճերի կապակցությամբ: Նրանց դատը տեղի կունենա մարտի վերջին: