Ինչո՞ւ աղջիկ ունենալ

Շատ երեխաներից բաղկացած մեծ ընտանիքը կարող է կարճացնել ծնողների կյանքը, քանի որ վերարտադրողականությունն ու երեխաների խնամքը ազդում են նրանց կյանքի վրա: Նման ենթադրություն են արել ֆինն գիտնականները:

Եվ, ամենայն հավանականությամբ, ծնողների կյանքի տևողությունը կրճատում են տղա երեխաները, քանի որ տղաներն ավելի շատ ջանք ու էներգիա են պահանջում:

Հետազոտողներն օգտվել են Ֆինլանդիայի ժողովրդագրական տվյալներից` ցույց տալու համար, որ շատ տղա ունեցող մայրերի կյանքի տևողությունը կրճատվում է: Խոսքը չի վերաբերում հայրերին:

Այս թեզի հիմնավորումն այն է, որ հղիության ընթացքում տղաները հիմնականում ավելի ծանր են, և կնոջ մարմինը ֆիզիկապես ավելի ծանրաբեռնված է լինում:  Այս դեպքում նաև մեծանում է տեստոստերոն հորմոնի քանակը, ինչը «ծերացնում է» իմունիտետը և օրգանիզմը դարձնում ավելի անպաշտպան:

Մյուս կողմից` տղաները ծնվելուց հետո ավելի շատ խնամքի կարիք են ունենում: Իսկ աղջիկները երկարացնում են մայրիկների կյանքը` օգնելով նրանց այնպիսի կենցաղային գործերում, ինչպիսին են կերակուր պատրաստելն ու փոքր քույր-եղբայրներին մեծացնելը:

Աղբյուր` The Telegraph