Հայաստանի մասին թեկուզ մի փոքր մտածողը նման բան չէր անի. Օսկանյան

Yerkir.am-ն արդեն տեղեկացրել է, որ ԱԻՄ նախագահ, ՀՀ նախագահի թեկնածու Պարույր Հայրիկյանին հիվանդանոց` տեսակցելու են գնացել ԱԺ ԲՀԿ խմբակցության պատգամավորներ Նաիրա Զոհրաբյանը, Էլինար Վարդանյանը և Վարդան Օսկանյանը:

Վերջինս լրագրողների հետ զրույցում Հայրիկյանի դեմ մահափորձը զարհուրելի և դատապարտելի որակեց և ընդգծեց, որ այս հարցում երկու կարծիք լինել չի կարող: «Հայաստանի մասին թեկուզ մի փոքր մտածող մարդը նման բան չէր կարող անել: Սա հարված է ՀՀ հեղինակությանը»,- հայտարարեց նա:

Yerkir.am-ի լրագրողի այն դիտարկման, թե հնարավո՞ր է, որ կատարվածի հետևում դրսի ուժեր կանգնած լինենմ, Օսկանյանը պատասխանեց, որ վարկածների մասին խոսել չի կարող: