Նախագահացուների վերջնական ցուցակը` հունվարի 14-ին

Մինչեւ հունվարի 4-ը 2013թ. նախագահական ընտրություններին որպես թեկնածու հայտ ներկայացրած տասնհինգ անձանցից միայն յոթն են ամբողջությամբ ներկայացրել անհրաժեշտ փաստաթղթերը, մնացած 8-ը չգրանցվելու վտանգի տակ են:

Yerkir.am-ի հետ զրույցում ԿԸՀ մամուլի քարտուղար Հերմինե Հարությունյանը նշեց, որ ԿԸՀ-ն դեռ ուսումնասիրում է թեկնածուների ներկայացրած փաստաթղթերը, եւ առավելագույնը մինչեւ հունվարի 14-ը մնացած 8 թեկնածուներին պաշտոնապես հնարավորություն կտրվի լրացնելու անհրաժեշտ բոլոր փաստաթղթերը, որոնց թվում, ի դեպ, միայն ընտրագրավի վճարման անդորրագիրը չէ:

«Հունվարի 14-ին վերջնականապես պարզ կլինի, թե որ թեկնածուներն են գրանցվում, իսկ որոնք`ոչ»,- նշեց ԿԸՀ մամուլի քարտուղարը: