Կարեւորը` հանրապետական է

Թե ո՞վ է նշանակվելու ԱԺ նախագահի պաշտոնում, հանրապետական Հովհաննես Սահակյանը չգիտի:

«Երկիր»-ի հետ զրույցում նա նշեց, որ շրջանառվող բոլոր թեկնածությունների հավանականությունը բացառել չի ցանկանում, սակայն հավանական է համարում, որ Սամվել Նիկոյանը կնշանակվի, քանի որ վերջինս «բավականին փորձառու է եւ ունի համապատասխան գիտելիքներ»:

Մեր այն հարցին, որ եթե Նիկոյանը նշանակվի, ապա Սահակյանի սրտով կլինի՞, նա պատասխանեց, թե կարեւորը` հանրապետական է, «մնացած բոլորը Սահակյանի սրտով է»:

Պատգամավորը համամիտ չէ տարածված կարծիքին, թե ԱԺ աշխատանքներն այսուհետ հետին պլան կմղվեն, իսկ Սամվել Նիկոյանին այդ պաշտոնում նշանակելը պայմանավորված է նրա` անշառ մարդ լինելու հետ: «Այս հինգ ամիսները կարեւոր ժամանակահատված են լինելու, գուցե պասիվություն նկատվի օրեսդրական նախաձեռնությունների առումով, հակառակ սրան` շեշտադրումը քաղաքական կլինի»,- նշեց Հովհաննես Սահակյանը: