Մտածում էի ֆուտբոլը թողնելու մասին. Ջերրարդ

Անգլիայի ազգային հավաքականի և «Լիվերպուլի» լեգենդար ֆուտբոլիստ Սթիվեն Ջերրարդը խոստովանել է, որ վնասվածքից վերականգնվելու ժամանակ մտածել է ֆուտբոլիստի կարիերան ավարտելու մասին:

Հիշեցնենք, որ Ջերրարդը մկանային վնասվածք ստանալուց հետո ստիպված եղավ բուժվել 6 ամիս:

«Երբ ես ստացա այդ վնասվածքը, սկզբից զգացի, որ այն շատ լուրջ է: Բայց շարունակում էի, ցավազրկողներ ընդունելով, խաղալ: Սակայն շուտով օրգանիզմս հանձնվեց, և ես պառկեցի վիրահատական սեղանին»,- պատմել է ֆուտբոլիստը:

Անցած շաբաթ օրը Ջերրարդը վերջին 6 ամիսների ընթացքում առաջին անգամ մասնակցեց ամբողջ հանդիպման և նույնիսկ կարողացավ գրավել «Մանչեսթեր Յունայթեդի» դարպասը:

Հավելենք, որ Սթիվի Ջին (այդպես են նրան անվանում երկրպագուները) Եվրագավաթներում դարձել է 32 գոլի հեղինակ և այդ արդյունքով համարվում է անգլիացի լավագույն ռմբարկուն: