ԼՂՀ հարցում այսօր բոլորը տանուլ են տվել

Ֆրանսիայի արտակարգ եւ լիազոր դեսպան Անրի Ռենոն, անդրադառնալով ԼՂՀ եւ Ադրբեջանի զինված ուժերի շփման գծի երկայնքով Ադրբեջանի կողմից պատի կառուցմանը, նշեց, որ դա ընդգծում է բանակցությունները վերսկսելու անհրաժեշտությունը:  «Պետք է վերսկսվեն խաղաղությունը վերագտնելուն ուղղված բանակցությունները: Այս իրավիճակում միայն տանուլ տվողներ, կորցնողներ կան, իսկ շնորհիվ կարգավորման` կլինեն միայն շահողներ»,- ասաց դեսպանը` նշելով, թե դեպի խաղաղություն տանող ճանապարհը դժվար է, սակայն այլընտրանք չունեցող ճանապարհ է, իսկ խաղաղությունն ամենեւին էլ անհնարին բան չէ:

Անդրադառնալով Ղարաբաղյան խնդրի լուծման գործում Ֆրանսիայի դերակատարության մեծացմանը` Անրի Ռենոն նշեց, որ ակտիվացման հավանականություն ինքը չի տեսնում: Իսկ խնդիրը պետք է լուծվի ԵԱՀԿ Մինսկի խմբի ձեւաչափի շրջանակներում: