Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
ՀՀ սփյուռքի նախարարության նախաձեռնած` «Հայրենիք, քեզ այսպիսին եմ տեսնում» մանկական նկարների մրցույթի ամփոփիչ ցուցահանդեսը տեղի կունենա վաղը` Երևանի Հ. Իգիթյանի անվան գեղագիտության ազգային կենտրոնի մանկական ստեղծագործության թանգարանում:
Մրցույթն անցկացվել է տարիքային երեք խմբերում` 6-11, 11-14 եւ 14-17 տարեկան պատանիների եւ երեխաների միջեւ: Մասնակցել են Վրաստանի, Ռուսաստանի, ԱՄՆ-ի, Մակեդոնիայի, Ավստրալիայի, Ուկրաինայի եւ 17 այլ երկրների հայ համայնքների ներկայացուցիչներ:
Մրցույթին մասնակցելու համար Հայաստան էր ուղարկվել 107 նկար: Աշխատանքները գնահատել է ՀՀ սփյուռքի նախարարության եւ Հայաստանի նկարիչների միության ներկայացուցիչներից ընտրված ժյուրին:
Բոլոր մասնակիցները պարգեւատրվելու են շնորհակալագրերով: Հայտնի է լավագույն աշխատանքի հեղինակը` 16-ամյա Ռոզմերի Հալքպլյանը` Սիդնեյի: