Լուկաշենկոն համաձայն է

Բելառուսի նախագահ Ալեքսանդր Լուկաշենկոն իր համաձայնությունն է տվել Ռուսաստանի հետ ատոմակայանի կառուցման պայմանագիր կնքելուն. տեղեկացնում է Новости  գործակալությունը:

«Ես միայն այսօր եմ ստորագրել եւ համաձայնություն տվել Ռուսաստանի հետ նոր ատոմակայանի կառուցման վերաբերյալ պայմանագիր կնքելուն»,- ասել է Լուկաշենկոն Նովգորոդի նահանգապետ Սերգեյ Միտինի հետ հանդիպման ժամանակ` ավելացնելով, որ այդ որոշումը թանկ կարժենա Բելառուսի համար:

Բելառուսի նախագահը նաեւ հայտնել է, որ ատոմակայանի շինարարության հարթակում բելառուսական կողմն արդեն սկսել է աշխատանքները: Ատոմակայանի առաջին էներգաբլոկը նախատեսվում է շահագործման հանձնել 2017 թվականին, իսկ երկրորդը` 2018-ին:

Ռուսական լրատվամիջոցը հայտնում է, որ ատոմակայանի գլխավոր կապալառուն ռուսական «Ատոմստրոյէքսպորտ» ընկերությունն է: