ԱՌԱՎՈՏ. Անցած ութ օրերին Երեւանը հրապարակում չէր

Անցած շաբաթ ՀԱԿ առաջնորդ Լեւոն Տեր-Պետրոսյանը հայտարարեց շուրջօրյա հանրահավաքները ժամանակավորապես դադարեցնելու մասին եւ պահանջված պահին անժամկետ նստացույցի պատրաստ լինելու կոչ արեց:

Շուրջօրյա ակցիայի մասնակիցներն ակնկալվածից քիչ էին, ուստի Ժողովրդավարական կուսակցության նախագահ Պետրոս Մակեյանին «Առավոտը» հարցրեց` արդյոք Կոնգրեսը նախահանրահավաքային քարոզչություն ծավալե՞լ էր, ինչպես դա անում էր, օրինակ, գարնանը հրավիրված հանրահավաքներից առաջ, երբ ՀԱԿ ներկայացուցիչները նախապես նույնիսկ բակային հանդիպումներ էին կազմակերպում:

«Եթե մենք կարողանայինք Ազատություն հրապարակից դուրս նաեւ վարչական տարածքներում կամ կենտրոնական փողոցներում ակցիաներ անել, գուցե Երեւանը գար հրապարակ»,- ասաց Պ. Մակեյանը: