Պատժամիջոցներ`16 բելառուս դատավորների եւ դատախազի դեմ

Եվրամիության երկրները պատժամիջոցներ են կիրառելու Բելառուսի 16 դատավորի եւ դատախազի դեմ, ովքեր կապ են ունեցել ընդդիմադիրների դատական գործընթացների հետ. հաղորդում է Gazeta.ru-ն:

Պատժամիջոցների վերաբերյալ որոշումները կընդունվեն հոկտեմբերի 10-ին Լյուքսեմբուրգում կայանալիք ԵՄ երկրների արտգործնախարարների հանդիպման ժամանակ: Նաեւ երկարաձգվելու է 192 բելառուս չինովնիկների, այդ թվում` Լուկաշենկոյի դեմ կիրառվող պատժամիջոցների ժամկետը:

Սակայն ԵՄ պետությունները դեռեւս չեն կարողանում համաձայնության գալ Լուկաշենկոյի ռեժիմի դեմ տնտեսական պատժամիջոցներ կիրառելու հարցում: Տնտեսական պատժամիջոցների դեպքում կկարողանան սառեցնել ԵՄ-ում Բելառուսի իշխանություններին ֆինանսավորող միջոցները:

Գերմանիան կողմ է նման պատժամիջոցի կիրառմանը, սակայն շատ երկրներ դեմ են դրան: