Ընտրություն առանց մրցակցության

2014 կողմ, 49-ը դեմ և 30 անվավեր ձայներով կիրակի օրը Շիրակի մարզի Մարալիկ քաղաքում կայացած համայնքի ղեկավարի ընտրություններում գործող քաղաքապետ, 34-ամյա ՀՀԿ-ական Արտակ Գևորգյանը ճանաչվել է  հաղթող: «Շանթ» հեռուստաընկերության նախկին լրագրողը 3-րդ անգամ է պաշտոնավարելու:

Նույնիսկ Շիրակի մարզպետարանից ստացված լրատվության մեջ  համայնքի ղեկավարի ընտրության կապակցությամբ, որն անցել է առանց մրցակցության, զարմանք կա: Դրանում, մասնավորապես, ասվում է.

Ընտրությունը Մարալիկում համարվել է կայացած և օրենքով սահմանված կարգով, ըստ նախնական տվյալների, Մարալիկի գործող քաղաքապետ ՀՀԿ- ական Արտակ Գևորգյանը ճանաչվել է հաղթող, ով մի քանի օրից պաշտոնապես կանցնի իր պարտականությունների կատարմանը, պարտականություններ, որոնք ի տարբերություն մարզի այլ բնակավայրերի, փոքր-ինչ շատ են և տարաբնույթ, ու պահանջում են տքնաջան ու ակտիվ աշխատանք` նախընտրական որոշ խոստումներ կյանքի կոչելու համար»: