Ցուցադրվել են առաջին անգամ

Հանրապետության հրապարակում անցկացված զորահանդեսի ժամանակ այսօր առաջին անգամ ցուցադրվել են ՀՀ ԶՈւ անօդաչու թռչող սարքերը, որոնք, ի դեպ, հայաստանյան ռազմարդյունաբերական համալիրի նորագույն արտադրատեսակներից են: Իրենց մարտավարական-տեխնիկական տվյալներով դրանք չեն զիջում արտերկրում արտադրված նմուշներին:

Անօդաչու թռչող սարքերն ունակ են օպերատիվ կերպով, անգամ խորության վրա նկարահանումներ իրականացնել եւ հրետանային, հրթիռային, հատուկ նշանակության եւ հետախուզական ստորաբաժանումներին իրական ժամանակում փոխանցել գերճշգրիտ տվյալներ:

Ի դեպ, տարածաշրջանում միայն Հայաստանն է, որ արտադրում է անօդաչու ինքնաթիռներ: