Աղն ազդում է ոչ միայն սրտի, այլեւ ուղեղի վրա

Շատ աղ օգտագործելուց և քիչ շարժվելուց կարող է տուժել սիրտը: Գիտնականները սա պարզել են շատ վաղուց, բայց բոլորովին վերջերս նրանք բացահայտել են, որ աղը վնասում է նաև մարդու ուղեղը. տեղեկացնում է Doctors.am-ը:

1200 մարդու եռամյա ուսումնասիրությունը ցույց է տվել, որ աղի օգտագործման, նստակյաց կյանքի ու կոգնիտիվ խանգարումների միջև կապ գոյություն ունի:

Ուսումնասիրության հեղինակ Քերոլ Գրինվուդն օգտագործել է մեկ այլ ուսումնասիրության արդյունքներ, որոնց մասնակցել են 67-84 տարեկան մարդիկ: Դրանից արվել է եզրակացություն, որ շատ աղ օգտագործող ու քիչ շարժվող մարդիկ ժամանակի ընթացքում սկսում են ավելի վատ լուծել թեստերը: Աղն նաև ազդում է ոսկորների և առհասարակ սրտի վրա:

Մասնագետները խորհուրդ են տալիս վերամշակված մթերքը, որը շատ աղ է պարունակում, փոխարինել մրգերով ու բանջարեղենով: Ընդ որում` ֆիզիկական ծանրաբեռնվածությունը կարող է ազատել աղի օգտագործման հետևանքներից: