Ստիպված է լինելու փնտրել իր նոր տղամարդուն

«Ո՞ւր է իմ տղամարդը» հեռուստասերիալի դերասանուհի Անժելա Սարգսյանի անձնական կյանքի շուրջ տարբեր լրատվամիջոցներով բարձրացված աղմուկը հասնում է գագաթնակետին: Նրա ամուսինը` Ղազար Ավետիսյանը, ով, ի դեպ ԵՊՀ փիլիսոփայության դասախոս է, ամուսնալուծվելու մտադրություն ունի: Ավելին, նա նեղ շրջանակում հայտարարել է նաև երեխային իր մոտ վերցնելու, մորից բաժանելու մասին:

Վերջին օրերին դերասանուհու` համացանցում հայտնված սկանդալային լուսանկարներից հետո լրատվամիջոցների ակտիվ ջանքերով բարձրացված աղմուկը, ըստ էության, դառը «պտուղներ» է տալիս. մորը բաժանում են երեխայից: Անձինք, ովքեր կազմակերպել էին այդ ամենը եւ համառորեն տանում էին դեպի ընտանիքի կործանում, ի վերջո, հասնում են իրենց ուզածին:

Հարկ է նշել, որ այն տիկնայք, ովքեր համարվում են դերասանուհու խաղընկերները, իրենց կեցվածքով ոչ միայն չեն փայլում բարոյականությամբ, այլև «ամենաշատը գողն է բղավում` բռնե'ք գողին» ասացվածքը, կարծես, հենց նրանց համար է հորինված: