Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 13 տարի առաջ - 2011-09-08 15:21
Սպորտ

Նյույորքյան անձրևները լվանում են US open-ի փողերը

Նյույորքյան անձրևները լվանում են US open-ի փողերը

Նյու Յորքում տեղացող հորդառատ անձրևները կատաղության են հասցրել US open-ի մասնակիցներին: Արդեն երկու օր է, ինչ դադարեցվել է US Open-2011-ը:

Ամերիկայի բաց առաջնության գործող չեմպիոն Ռաֆայել Նադալը, ինչպես նաև Ռոջեր Ֆեդերերը, Էնդի Ռոդիկը, Էնդի Մարեյը և այլք իրենց դժգոհությունն են հայտնել թաց կորտերում խաղալու վերաբերյալ:

Նադալը մեղադրել է կազմակերպիչներին, որոնք ցանկացած կերպ փորձում են խուսափել ֆինանսական  կորուստներից, թեեւ կորտերը պատրաստ չեն որևէ հանդիպում անցկացնելու համար։ Երեկ, անցկացնելով երեք գեյմ, Նադալը կորտից դուրս գալիս մրցավարին ասել է. «Ամեն ինչ մնացել է նույնը։ Այն ամենը, ինչի մասին Դուք անհանգստանում եք՝ փողն է»։
 
Այս առիթով Էնդի Ռոդիկն ասել է. «Եթե հարցնեք, պատրա՞ստ են արդյոք կորտերը հանդիպումներ անցկացնելու համար, ապա ես միանշանակ կասեմ՝ ոչ։ Մենք ուղղակի ցանկանում ենք համոզված լինել, որ կրկին նույն իրավիճակում չենք հայտնվի»: 
 
Իսկ բրիտանացի Էնդի Մարեյի և Դոնալդ Յանգի հանդիպումը հետաձգվել է անձրևի պատճառով: «Ամեն մի կորցրած րոպե ավելորդ տհաճություններ է պատճառում մեզ, որի արդյունքում մենք չենք ցանկանում չորս օրում 4 հանդիպում անցկացնել»,- Մարեյի խոսքերն է մեջբերում Guardian-ը։

«Սա «Մեծ սաղավարտի» մրցաշարն է։ Մեծ եկամուտներով մրցաշար է։ Գուցե ապագայում կազմակերպիչները կկառուցեն տանիք կորտերի վրա: Ես  լիովին համաձայն եմ ընկերներիս բողոքի հետ։ Մենք գիտենք թենիսի գործնական կողմի և վաճառված տոմսերի մասին։ Մենք ինքներս ցանկանում ենք խաղալ, սակայն թենիսիստների առողջությունը պետք է առաջնային լինի»,- ասել է թենիսիստը։

Իսկ ի պատասխան Մեծ թենիսի մեծ վարպետների բողոքի` US Open-ի տնօրեն Ջիմ Քերլին ասել, որ իրենք առաջվա պես մտադիր են ավարտել մրցաշարը կիրակի օրը: «Մենք նկատի ենք ունեցել այն փաստը, որ թենիսիստները ֆիզիկապես լավ պատրաստված մարզիկներ են: Իսկ կենտրոնական կորտի վրա տանիք կառուցելը կարժենա 200,000,000 դոլար, որը մենք չունենք: Մենք ունենք պրոֆեսիոնալ մրցավարներ, որոնք էլ որոշում են` կորտը պատրա՞ստ է մենախաղ անցկացնելու համար, թե՞ ոչ»,- Քերլի խոսքերն է մեջբերում AP-ն:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը