Սպասվում է անձրեւ եւ ամպրոպ

Օգոստոսի 26-28-ը Հայաստանի տարածքը գտնվելու է ցիկլոնի ազդեցության գոտում, որը հատկապես ակտիվ կլինի Լոռիի, Տավուշի եւ Սյունիքի մարզերում:

Ինչպես «Երկիր»-ին տեղեկացրեց «Հայպետհիդրոմետ»-ի օդերեւութաբանական կանխատեսումների բաժնի պետ Գագիկ Սուրենյանը, նշված մարզերում ժամանակ առ ժամանակ, իսկ մյուս շրջաններում առավելապես գիշերվա առաջին կեսին եւ օրվա երկրորդ կեսին` սպասվում են անձրեւ եւ ամպրոպ:

«Հյուսիս-արեւմուտքից սպասվում է արկտիկական ցուրտ օդի ներհոսք, օդի ջերմաստիճանը օգոստոսի 26-28-ը ընկած ժամանակահատվածում հանրապետության ողջ տարածքում կնվազի 3-5 աստիճանով»,- ասաց նա:

Մայրաքաղաքում նշված օրերին գիշերվա առաջին կեսին եւ երեկոյան ժամերին հնարավոր է կարճատեւ անձրեւ եւ ամպրոպ, օդի ջերմաստիճանը գիշերը կլինի +13…+15⁰ C, ցերեկը` +26…+28⁰ C տաքություն: