Անկախ ենք... համարվում

1990թ. օգոստոսի 23-ին Հայկական ԽՍՀ Գերագույն խորհուրդը հռչակեց անկախ պետականության հաստատման գործընթացի սկիզբը:

«Հռչակագրի ընդունումը չափազանց մեծ դեր խաղաց մեր նոր պատմության մեջ, առաջին հերթին նրանով, որ սկիզբ դրեց անկախության գործընթացին, և այն նախանշեց տնտեսության, մշակույթի զարգացման գործընթացը»,- այսօր լրագրողների հետ հանդիպման ժամանակ ասաց ԵՊՀ պատմության ֆակուլտետի դեկան Էդիկ Մինասյանը:

Նա նշեց, որ հռչակագիրը բաղկացած է 12 կետից, որոնց համաձայն` Հայաստանի Հանրապետությունը հռչակվեց ինքնիշխան պետություն, սահմանվեց ՀՀ քաղաքացիությունը, ինչպես նաև ամրագրվեց դրույթ, ըստ որի` ՀՀ-ն սատար է կանգնում 1915թ. Օսմանյան Թուրքիայում եւ Արեւմտյան Հայաստանում Ցեղասպանության միջազգային ճանաչման գործին: