Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Այսօր ՀՀ վերաքննիչ քրեական դատարանում տեղի կունենա Հայ ազգային կոնգրեսի 3 ակտիվիստների նկատմամբ կալանքը խափանման միջոց ընտրելու` Կենտրոն եւ Նորք Մարաշի ընդհանուր իրավասության դատարանի վճռի դեմ բողոքի քննարկումը:
Երեք դատավարություններն էլ «պատահաբար» նշանակվել են օրվա վերջում: Սարգիս Գեւորգյանի կալանավորման դեմ բողոքը կքննարկվի ժամը 16.15-ին, Տիգրան Առաքելյանինը` 17.00-ին, Արտակ Կարապետյանինը` 17.30-ին:
Սա նշանակում է, որ դատական ճանապարհով առնվազն մինչեւ երեկո կալանավորված ակտիվիստները ազատ չեն արձակվի: Տվյալ հանգամանքը էական է նրանով, որ այսօր` ժամը 12-ին, նշանակված է ՀԱԿ-կոալիցիա բանակցությունների հերթական հանդիպումը: Արդյոք այդ հանդիպումները կվերադառնա՞ն երկխոսության բնականոն հուն, մեծապես կախված է կալանավորված ակտիվիստների հետագա ճակատագրից: Հենց նրանց անազատության մեջ գտնվելու պատճառով երկխոսության նախորդ ռաունդը փաստացի չէր կայացել, քանի որ քննարկվել էին ոչ թե օրակարգային հարցեր, այլ օգոստոսի 9-ի աղմկահարույց միջադեպի մանրամասները:
Նշենք նաեւ, որ ակտիվիստների խափանման միջոցը կարող է փոխվել ցանկացած պահի` քննիչի որոշմամբ: