ԺՈՂՈՎՈՒՐԴ. Պատահական կրակո՞ց

Ավան վարչական շրջանի ոստիկանապետ Մուշեղ Օհանյանը «Ժողովուրդ»-ի հետ զրույցում հաստատեց, որ ոստիկանությունը «Հարսանքար»-ի գործով քննում է պատահական կրակոցի վարկածը:

Ոստիկանապետի խոսքերով` «Հարսնաքար» համալիրի անվտանգության պետը` Աշոտը, դեպի հաջորդ օրը` օգոստոսի 15-ին, գնացել է Ավանի ոստիկանություն, հանձնել զենքը` ասելով, թե պատահաբար կրակել է այդ զենքից եւ 2հգու վիրավորել: Ոստիկանությունն էլ` որպես «բարի պապիկ», նյութերը հանձնել է ուսումնասիրության, սակայն քրեական գործ չի հարուցել, որեւէ մեկի նկատմամբ մեղադրանք չի առաջադրել:

Բայց, չնայած դրան, ոստիկանապետն ասաց, որ Աշոտին քաղաքից չբացակայելու մասին ստորագրությամբ են ազատ արձակել, մի բան, որ չի կարող լինել քրեական գործի բացակայության պայմաններում: