Ռուսաստանը այլեւս С-300 չի արտադրի

Ռուսաստանում դադարեցվել է С-300 զենիթահրթիռային համակարգերի արտադրությունը. տեղեկացնում է РИА Новости-ն:

«Ռուսական բանակի համար С-300 ПМ վերջին համակարգն արտադրվել է 1994 թվականին։ Այն շարունակել են արտադրել միայն արտահանման համար, սակայն նույնիսկ այդ նպատակի համար նախատեսված արտադրությունը նույնպես դադարեցվել է»,- ասել է Օդատիեզերական պաշտպանության գերատեսչական փորձագիտական խորհրդի համանախագահ Իգոր Աշուրբեյլին։

С-300 զենիթահրթիռային համակարգի արտադրությունը սկսվել է 1978 թվականին։ Այն ներդրված է 18 պետությունների զինանոցում, այդ թվում` Հայաստանի:

Նշվում է, որ ՌԴ պաշտպանության նախարարությունը նախատեսում է С-300 համալիրը փոխարինել С-400-ով։