Ամեն ինչ էլ հնարավոր է

«Ես արդեն ոչ մի բանում չեմ զարմանում, որովհետեւ իշխանությունների քայլերում նույնպես տրամաբանություն չեմ տեսնում. ամեն ինչ էլ հնարավոր է»,- ԵՐԿԻՐ-ի հարցին ի պատասխան` հնարավո՞ր է, որ իշխանություններն անսան Կոնգրեսի պահանջին եւ բանակցությունների օրակարգում ներառեն արտահերթ ընտրությունների անցկացման հարցը, ասել է Հայաստանի դեմոկրատական կուսակցության ղեկավար Արամ Սարգսյանը:

«Նրանք երեւի ինչ-ինչ խնդիրներ են դրել իրենց առջեւ եւ ուզում են այդ հարցերը կարգավորել: Բայց դա արդեն շատ զարմանալի մի երեւույթ կլինի, եթե իշխանություններն իսկապես քննարկեն արտահերթ ընտրությունների հարցը»,- ասել է դեմկուսի ղեկավարը` ընդգծելով, որ ինքն անձամբ երկրում այդպիսի մթնոլորտ չի տեսնում:

Ինչ վերաբերում է ՀԱԿ-իշխանություն երկխոսությանը, ապա, Արամ Սարգսյանի կարծիքով, սա ուղղակի խաղ է` «իշխանությունները կօգտվեն այս խաղից, հետո նորից այս ամենը կվերադառնա իր տեղը»: