Արցախից կմասնակցի 100 հոգի

Համահայկական խաղերն այս տարի մեկնարկելու են օգոստոսի 13-ին եւ կտեւեն մինչեւ օգոստոսի 21-ը։ Համահայկական խաղերի համաշխարհային կազմկոմիտեի նախագահ Իշխան Զաքարյանի խոսքերով՝ հնարավոր է մասնակից քաղաքների թիվը հասնի 100-ի, իսկ մարզիկներինը՝ 3000-ի։

Ինչպես ամեն անգամ, այս տարի եւս համահայկական խաղերին իր մասնակցությունը կբերի Արցախի պատվիրակությունը։ Ինչպես «Երկիր»-ին հայտնել է ԼՂՀ կառավարությանն առընթեր սպորտի պետական կոմիտեի նախագահ Ռազմիկ Հովսեփյանը, ԼՂՀ-ն խաղերին կմասնակցի 100 հոգանոց պատվիրակությամբ։ Արցախցի մարզիկները հանդես կգան վոլեյբոլ, բասկետբոլ, աթլետիկա, սեղանի թենիս, ֆուտբոլ եւ շախմատ մարզաձեւերով անցկացվող մրցումներում։