Փոխարժեքներ
24 11 2024
|
||
---|---|---|
USD | ⚊ | $ 389.76 |
EUR | ⚊ | € 406.4 |
RUB | ⚊ | ₽ 3.79 |
GBP | ⚊ | £ 488.37 |
GEL | ⚊ | ₾ 142.31 |
«Նաբուկո» նախագիծն անպայման իրականություն կդառնա, թող ոչ ոք չկասկածի. ըստ թուրքական լրատվամիջոցների` հայտարարել է Թուրքիայի էներգետիկայի նախարար Թաներ Յըլդըզը:
«Ինչպես բոլոր խոշոր նախագծերը, այն զուգորդվում է մի շարք խնդիրներով, սակայն կարծում եմ` շուտով բոլորը կլուծվեն: Շատ ուրախ եմ, որ լավատեսների թիվը գերակշռում է: Հիշում եմ` 1990-ականների սկզբին շատերը կարծում էին, որ Բաքու-Թբիլիսի-Ջեյհանը չի իրագործվի, դա ֆանտաստիկա է, սակայն այն ներկայումս հաջող գործում է: Մի քանի տարի անց էլ կասենք, որ «Նաբուկո»-ն է հաջող աշխատում»,- նշել է նախարարը:
Գազի հնարավոր մատակարարների թվում նա նշել է Ադրբեջանը, Թուրքմենստանը, Իրաքը, նույնիսկ` Ռուսաստանը: Նախարարի խոսքերով` տարանցիկ երկրները լուծել են իրենց խնդիրները, այժմ խոսքը մատակարար երկրներինն է: