Ի՞նչ է ասել Պուտինը Բլատտերին

ՖիՖԱ-ի կոնգրեսի նիստից հետո ՖԻՖԱ-ի նախագահի պաշտոնում վերընտրված Յոզեպ Բլատտերը ներկայացրել է բարեփոխումների իր ծրագիրը, որում եղել են նաև կադրային փոփոխություններ:

Այնուհետև կոնգրեսի անդամներն իրենց շնորհավորանքներն են հղել նրա: Անմասն չի մնացել նաև ՌԴ վարչապետ Վլադիմիր Պուտինը:

«Ընտրությունների արդյունքները վկայում են Ձեր` համաշխարհային հեղինակություն վայելելու, նաև ՖԻՖԱ-ում կատարած մեծ ներդրումների և ֆուտբոլի մասսայականացման աշխատանքների մասին: Համոզված եմ, որ վերընտրվելով Դուք կշարունակեք անձնուրաց ծառայել այս հիանալի սպորտաձևին: Ցանկանում եմ Ձեզ հետ համագործակցելու պատրաստակամություն հայտնել`  ՖԻՖԱ-ի նպատակների իրականացման, հատկապես` Ռուսաստանում 2018-ի աշխարհի առաջնության կազմակերպման նպատակով»,- ասել է նա: