Միակարծություն չի եղել

Երեկ ՄԱԿ-ի Անվտանգության խորհրդի անդամներին չի հաջողվել Սիրիայի վերաբերյալ համատեղ հայտարարություն ընդունել ` այդ հարցում միակարծության բացակայության հետեւանքով:

Քննարկումներից առաջ ելույթ է ունեցել ՄԱԿ-ի գլխավոր քարտուղարի քաղաքական հարցերով տեղակալ Լին Պեսկոուն։ Նա ասել է, որ Սիրայի իշխանություններըմիանշանակ արձագանք չեն տվել ժողովրդի բողոքին: «Նրանք հայտարարեցին բարեփոխումներ անցկացնելու մասին, միաժամանակ դիմեցին ճնշումների»,- հայտարարել է Պեսկոուն։

Ավելի քան 2 ժամ տևած նիստի ընթացքում Անվտանգության խորհրդի  բոլոր 15 անդամ երկրների ներկայացուցիչներն իրենց դիրքորոշումներն են հայտնել այդ երկրում տեղի ունեցող իրադարձությունների վերաբերյալ: Արեւմտյան մի շարք երկրների նախաձեռնությամբ մշակված`Սիրիայի  հակակառավարական ուժերի դեմ իշխանությունների իրականացրած գործողությունները դատապարտող հայտարարության ընդունմանը համար անհրաժեշտ է եղել ԱԽ բոլոր անդամների հավանությունը։ Սակայն դրան դեմ են հանդես եկել Ռուսաստանի, Չինաստանի և Լիբանանի ներկայացուցիչները: