''Ծաղկահավաք'' Ծիծեռնակաբերդի հուշահամալիրում (տեսանյութ և ֆոտոռեպորտաժ)

Ապրիլի 27-ին Վայրի բնության և մշակութային արժեքների պահպանման հիմնադրամը իր գործընկերներ ՀԿ-ների հետ իրականացրեց Եղեռնի զոհերի հուշահամալիրի մոտ հավաքված ծաղիկների վերամշակման գործընթացը:

Միջոցառում անցկացվում է արդեն երկրորդ անգամ:

Նպատակը ապրիլի 24-ից հետո հավաքված ծաղիկները աղբ դառնալուց փրկելն է:

Ծաղիկների ծաղկաթերթերն առանձնացվում են ցողուններից: Առաջինն օգտագործվում է որպես թղթի հումք, իսկ երկրորդը` պարարտանյութ: Ստացված թղթի վրա կտպագրվեն Հայոց ցեղասպանության թանգարանի հրավիրատոմսերն ու հուշագրերը: Իսկ պարարտանյութն օգտագործվելու է թանգարանի հարակից այգիները մշակելու համար:

Աշխատանքներին մասնակցեցին շուրջ 300 կամավորներ:

Տեսանյութը կարող եք դիտել այստեղ:

Ֆոտոռեպորտաժը` այստեղ: