ՌԴ-ն թաքցնում է Լեհաստանի նախագահի մահվան մանրամասները

Լեհաստանը դեռ չի ստացել Սմոլենսկի մոտ նախագահական ինքնաթիռի կործանման վերաբերյալ` Ռուսաստանից պահանջած բոլոր փաստաթղթերը: Այսօր Լեհաստանի գլխավոր դատախազը հանդիպելու է երկրի վարչապետ Դոնալդ Տուսկի հետ եւ խնդրելու է աջակցել այդ հարցում. տեղեկացնում է mignews.com-ը:

Լեհական ինքնաթիռը վթարի էր ենթարկվել 2010 թվականի ապրիլի 10-ին. զոհվել էր 96 մարդ, այդ թվում` Լեհաստանի նախագահ Լեխ Կաչինսկին, նրա կինը եւ երկրի մի շարք ղեկավարներ:

Այս տարվա հունվարի 12-ին Միջազգային ավիացիոն կոմիտեն հրապարակել է տեխնիկական հետաքննության վերջնական արդյունքները, որոնց համաձայն` ավիավթարի անմիջական պատճառը ինքնաթիռի անձնակազմի որոշումն է` վայրէջք չկատարել պահեստային օդանավակայանում: Այլ պատճառների թվում նշվում են թռիչքի ապահովման եւ անձնակազմի պատրաստման հարցերում տեղ գտած թերացումները: