Ցեղասպան Ադրբեջանն անդրադարձել է Լեհաստանի նախագահի՝ Երասխ այցին

Ցեղասպան Ադրբեջանը Լեհաստանի նախագահ Անջեյ Դուդայի այցը Հայաստանի և Ադրբեջանի սահմանամերձ շրջան՝ Հայաստանում ԵՄ առաքելության (EUMA) անդամների ուղեկցությամբ, ԵՄ անդամ տարբեր երկրների և եվրոպական կառույցների «հակաադրբեջանական քաղաքականության» հերթական ցուցադրում է անվանել։

«Խորապես ցավում ենք, որ պաշտոնապես Ադրբեջանի «ռազմավարական գործընկեր» երկրի նախագահը մասնակցել է անընդունելի դիվանագիտական «հեռադիտակային  շոուին», որը հանգեցնում է Ադրբեջանի և Լեհաստանի միջև հարաբերությունների սրմանը», - նշված է օկուպանտ երկրի գերատեսչության հաղորդագրության մեջ։

Գերատեսչությունն ընդգծում է, որ չնայած Ադրբեջանի պաշտոնյաների բազմաթիվ դիմումներին՝ ուղղված նախագահի աշխատակազմին և Լեհաստանի ԱԳՆ-ին, լեհական կողմը զերծ չի մնացել այս սադրիչ քայլից։

Հիշեցնենք՝ Լեհաստանի նախագահ Անջեյ Դուդան Հայաստանում Եվրամիության դիտորդական առաքելության՝ Երասխ բնակավայրում գտնվող դիտակետում հանդիպել է լեհ դիտորդներին։