ԱՌԱՎՈՏ. Միակ արձագանքը` շնորհակալություն

«Ուկրաինայում էլ կան մեծահարուստ հայեր, որոնք շատ լավ են ճանաչում Սամվել Կարապետյանին, որոնց հետ ես ջերմ հարաբերություններ ունեմ: Մենք հանդիպել ենք այդ աղմուկից հետո: Նրանք շատ վրդովված էին, որ Սամվել Կարապետյանի կատարած լավ նախաձեռնությունն այդպես անշնորհակալ ձեւով ընդունվեց Հայաստանում:

Կարծում եմ` ոչ միայն Ուկրաինայի հայ համայնքի, այլեւ Սփյուռքի համար անընդունելի է այս վրդովմունքը: Նրանց կարծիքով` Սամվել Կարապետյանը շատ լավ միջոցառում էր կազմակերպել, լավ բան էր արել, եւ միակ արձագանքը պետք է շնորհակալությունը լիներ»,- «Առավոտի» հետ բացառիկ զրույցում ասաց Ուկրաինայում Հայաստանի արտակարգ եւ լիազոր դեսպան Անդրանիկ Մանուկյանը: