Հիմա տալիս ե՞ք, թե՞ չէ

Մեր թերթի ապրիլի 9-ի համարի` «Արզաքանցյանից քաշվածները» հոդվածում  անդրադարձել էինք գործարար պատգամավորին պատկանող «Գրեյթ Վելլի» ընկերության կողմից խաղող մթերելու եւ պայմանագրերը խախտելու մասին գյուղացիների բողոքներին:

«Գրեյթ Վելլի» ընկերության ներկայացուցիչն էլ օրերս հայտարարել էր, թե արդեն մի քանի օր է, ինչ սկսել են պարտքերը մարել:

Զանգահարեցինք մեզ հետ զրուցած գյուղացիներին` ճշտելու, թե արդյո՞ք համապատասխանում է իրականությանն այդ տեղեկատվությունը: Պարզվեց, որ կոնկրետ Արարատի մարզի Նորաբաց գյուղում վճարել են միայն 70-ամյա տիկին Ժենյայի պարտքը` 220 հազար դրամը (նրա լուսանկարը տպագրված էր թերթում): Կանչել են գրասենյակ, հետո փոխել ժամադրավայրը եւ գյուղի հրապարակում հանդիսավորությամբ տվել գումարը: Իսկ մյուս գյուղացիները դեռ սպասում են…

Մեր թերթը պատրաստակամություն է հայտնում՝ հերթով տպագրել բոլոր գյուղացիների նկարները, եթե դա կնպաստի նրանց նկատմամբ պատգամավորի պարտականությունների կատարմանը։