ԿԱՊԻՏԱԼ. ՏՄՊՊՀ-ն վարույթ հարուցեց

ՀՀ տնտեսական մրցակցության պաշտպանության պետական հանձնաժողովը ավարտեց շուկայում գործող չորս բեռնափոխադրող ընկերությունների («Չորս ընկեր», «Պրոֆ Իմպրոտեքս», «Նանիս» և ՍՕՀՕ) վարքագծի հետ կապված ուսումնասիրությունը և հարուցեց վարույթ:

Հիշեցնենք, որ համաձայն մամուլի հրապարակումների, ինչպես նաև առևտրականների հավաստիացումների՝ տարեսկզբին վերոնշյալ չորս տնտեսավարողները բարձրացրել են Թուրքիայից և Չինաստանից ներկրվող ապրանքների համար առևտրականներից գանձվող վճարը: Նույն աղբյուրների պնդմամբ՝ Թուրքիայից ներկրվող ապրանքի 1 կգ մաքսազերծումը $4-ից դարձել է $8, Չինաստանից ներկրվող ապրանքի դեպքում $7-ը դարձել է $14: