ՀԱՅԿԱԿԱՆ ԺԱՄԱՆԱԿ. Դեռ բանտում են

Անվանի բռնցքամարտիկ, Հայ ազգային կոնգրեսի համակիր, քաղբանտարկյալ Սամսոն Խաչատրյանի ազատ արձակելու կոչով հանդես են գալիս ոչ միայն հայտնի բռնցքամարտիկներ, այլեւ այլ մարզաձեւերի հայտնի ներկայացուցիչներ:

«Վերջերս մեր հասարակությունը մի տեսակ անտարբեր է դարձել. աչքի առաջ մարդ են ծեծում, հանցագործություն են կատարում` ոչ մեկը չի միջամտում: Մենք` սպորտսմեններս, նման դեպքերում իրավունք չունենք ու չենք կարող անտարբեր մնալ: Սամսոնը հենց այդ անտարբերությունը չհանդուրժելու համար է այսօր ձերբակալված: Ընդ որում` այսօր էլ դեռ բանտում են հասարակական այդ անտարբերությունը չհանդուրժող Նիկոլ Փաշինյանը, Սասուն Միքայելյանը եւ մյուս տղանները»,- մեր թղթակցի հետ զրույցում, մասնավորապես, նշել է Ֆուտբոլի Հայաստանի ազգային հավաքականի նախկին ֆուտբոլիստ Ռազմիկ Գրիգորյանը: