Սիրիան անհանգիստ է

Սիրիայի Դարաա քաղաքի Օմարի մզկիթի հարեւանությամբ երեկ ցուցարարների եւ ոստիկանության միջեւ տեղի ունեցած բախման արդյունքում 17 մարդ է զոհվել: Սիրիացիները տեղի ունեցածը ցեղասպանություն են անվանում:

Facebook-ում ընդդիմադիր ակտիվիստներից մեկը տեսագրություն է տեղադրել, որտեղ պատկերված են կանայք եւ երեխաներ, ովքեր բղավում են. «Օգնեցեք մեզ, նրանք սպանդ են իրականացնում մեր նկատմամբ»:

Օմարի մզկիթը վերածվել է հիվանդանոցի, ուր հարյուրավոր վիրավորներ են գալիս: Քաղաքում լսվում են «Ինչպե՞ս ես եղբորդ սպանում» եւ այլ բացականչություններ. տեղեկացնում են արաբական ԶԼՄ-ները:

Ընդդիմադիր ուժերը տեղեկացնում են, որ նոր ցույցեր են տեղի ունենում Հալեպում:

1963 թվականից Սիրիան ղեկավարում է «Բաաթ» կուսակցությունը: Քաղաքական ազատությունը երկրում խիստ սահմանափակ է: