Համազեկուցողները հանդիպել են Վարդան Օսկանյան հետ

Հայաստանում գտնվող ԵԽԽՎ Հայաստանի հարցերով համազեկուցողներ` բրիտանացի Ջոն Պրեսկոտը եւ գերմանացի Աքսել Ֆիշերը հանդիպել են Հայաստանի նախկին արտգործնախարար Վարդան Օսկանյանի հետ:

Զրույցի ընթացքում, որին ներկա է եղել նաև Հայաստանում ԵԽ գլխավոր քարտուղարի հատուկ ներկայացուցիչ Սիլվիա Զեհեն, քննարկվել են Հայաստանի ներքաղաքական իրավիճակին ու առաջիկայում կայանալիք համապետական ընտրություններին առնչվող հարցեր:

«Երկիր»-ի վստահելի աղբյուրի տեղեկություններով` արտգործնախարարի պաշտոնը թողնելուց հետո սա առաջին դեպքն է, երբ ԵԽԽՎ համազեկուցողներն առանձին հանդիպում են ունենում Օսկանյանի հետ, ով սկսել է ավելի կոշտ քննադատել գործող իշխանությունների արտաքին ու ներքին քաղաքականությունը, այդ թվում՝ բազմիցս հանդես է եկել քաղաքական հայացքների համար բանտերում գտնվող գործիչներին ազատ արձակելու հորդորով:

Անցած երեք տարիների ընթացքում Օսկանյանի հետ (ոչ հրապարակային) առանձին հանդիպումներ են ունեցել եվրոպացի բազմաթիվ բարձրաստիճան պաշտոնյաներ ու չինովնիկներ, այդ թվում՝ ԵԱՀԿ Մինսկի խմբի համանախագահները: